Лоша вест за Челзи: Без најдобриот против Арсенал?

Eкипата на Челзи гостува кај Арсенал во својот следен премиерлигашки натпревар во вторник од 21 часот, а за овој натпревар под знак прашалник е настапот на Кол Палмер.

Палмер поради болест го пропуштил последниот тренинг пред градското дерби и неговиот настап е неизвесен.

„Ќе видиме утре наутро, во овој момент мислам дека нема да игра. Дури и да се чувствува подобро утре, тој се прашува во каква состојба ќе биде за да го игра натпреварот“, изјави Покетино.

Палмер е најдобриот фудбалер на Челзи сезонава и неговото отсуство би било сериозен удар за тренерот Маурисио Покетино. Исто така не е сигурно и дека десниот бек Мало Густо ќе може да настапи.

На табелата Челзи е на деветтата позиција со 47 бода, додека Арсенал боди битка со Манчестер Сити и Ливерпул за врвот. Арсенал и Ливерпул се лидери со по 74 бода, додека Сити е третопласиран со 73, но и натпревар помалку.