Лилард го предводеше Портланд до победа, дабл-дабл на Јокиќ во поразот на Денвер (ВИДЕО)

Изминатата вечер во НБА лигата беа одиграни четири натпревари.

Кошаркарите на Портланд славеа против Њујорк Никси со 115:87.

Блејзерси немаа проблеми против екипата која оваа сезона има катастрофален скор од 4-20 и стигнаа до својата 10. побeда.

После првата четвртина Портланд водеше со 32:22, а во втората ја зголеми својата предност и на полувреме замина со 19 разлика во своја корист (60:41).

Во продолжение домаќините продолжија да го зголемуваат своето водство и на крај славеа со 115:87.

Домаќините ги предводеше Демијан Лилард со 31 поен, додека кај гостите Рендл беше најфикасен со 15 поени.

Шарлот на свој паркет беше подобар од Вашингтон со 114:107. Грахам ги предводеше домаќините до триумфот со 29 поени, додека Бертанс беше најдобар кај Визрадси со 32 поени.

Филаделфија предводена од Ембид и Харис кои постигнаа 22, односно 20 поени славеше кај Денвер со 97:92. Бартон кај гостите беше најефикасен со 26 поени, додека Јокиќ уфрли 15, но додаде уште 11 асистенции и седум скокови.

Мајми Хит во возбудлив натпревар после продолженија славеше против Атланта со 135:121. Три играчи на домаќините постигнаа точно 100 поени и го предводеа својот тим. Нун беше најефикасен со 36, Робинсон додаде 34, а Адебајо 30 поени. Кај Атланта најдобар беше Хунтер со 28 поени.