Ливерпул го договори првото летно засилување!

Aнглискиот гигант Ливерпул постигна договор и доби нов спортски директор.

Во прашање е Ричард Хјуз, кој беше желба на повратникто на местото извршниот директор Мајкл Едвардс.

Хјуз беше технички директор на Борнмут, со кого се разделува на крајот од актуелната сезона кога ќе се пресели на „Енфилд“.

Според доверливиот новинар Пол Џојс, првата задача на Ричард Хјуз ќе биде да помогне во изборот на нов менаџер, бидејќи како што е познато Јирген Клоп на крајот од сезоната заминува.

Наводно, Хјуз на својата листа има три имиња и тоа – Чаби Алонсо, Рубен Аморим и Роберто Де Зерби.

Одамна е познато дека Чаби Алонсо е првиот пик на Ливерпул, но Шпанецот го „брка“ и Баерн Минхен, кој бара замена и за Томас Тухел.

Де Зерби е ценет и поради работата во Брајтон, но го следат и бројни клубови како Барселона и Милан, па дури и Манчестер Јунајтед.

Тука е и Рубен Аморим кој прави чуда со Спортинг Лисабон. Многумина го гледаат во Премиер лигата, само прашање е дали ќе биде на „Енфилд“.