Ленс го шокираше ПСЖ на стартот од Лига 1 ?

Тимот на Ленс вечерва направи големо изненадување и на свој терен го победи ПСЖ во натпревар од второто коло во Лига 1.

Парижаните вечерва беа ославени поради проблемите со коронавирусот во своите редови, но сеедно беа големи фаворит. Сепак, Ленс играше одлично и заслужено стигна до победата.

Домаќините првата голема шанса ја имаа во 17. минута кога Ганаго ја погоди стативата. Се обиде потоа Сил, но остана 0:0. ПСЖ едноставно никако не успеваше да дојде до својата игра и изгледаа целосно безидејно. Ленс тоа знаеше да го искористи и на почетокот на второто полувреме да дојде до предност.

Одлучувачкиот момент се случи во 57. минута кога голманот на гостите Булки направи аматерска грешка, а Ганаго погоди за 1:0.

Ленс можеше и поубедливо да слави, меѓутоа на крајот резултатот остана 1:0. Треба да се спомене дека ПСЖ вечерва имаше само еден удар во рамките од голот.