Фудбалерите на Барселона се пласираа во четвртфиналето во Лигата на шампионите откако вечерва пред домашната публика со 3:0 славеа над лондонски Челзи.
Зошто проблемот со улични кучиња СÈ УШТЕ постои? | Уште еден поткаст
Каталонскиот клуб е на крилата на фантастичниот Лео Меси и дојде до рекордниот 11. пласман меѓу најдобрите осум екипи во Лигата на шампионите. По мечот, Андрес Иниеста изјави дека играчите и навивачите на Барселона мораат да бидат среќни што го имаат Аргентинецот во екипата.
„Благослов е да се има Меси во својот тим. Тој навистина прави разлика на теренот и среќни сме што игра токму со нас. Што се однесува до четвртфиналето, најдобро е да ги избегнеме шпанските екипи бидејќи добро се познаваме со нив“, истакна Иниеста по мечот.
За потсетување, ждрепката ќе биде оддржана в петок, а во шеширот ќе се најдат екипите на Барселона, Реал Мадрид, Баерн Минхен, Јувентус, Манчестер Сити, Рома, Ливерпул и Севиља.
Учество во игри на среќа е дозволено за лица со 18+ години. Играј одговорно!