Леверкузен лесно, Бенфика трумфално во Белград🎥

Баер Леверкузен на фуриозен начин го стартуваше настапот во Лигата на шампионите, Бенфика победи на гостувањето кај Црвена Звезда.

„Црвена Звезда“ капитулира уште во 9. минута кога Актуркоглу даде гол за водство на Бенфика од 1-0. Во 29. минута Кокџу од слободен удар ја зголеми предноста на Бенфика на 2-0.

Во второто полувреме Црвена Звезда одигра одлично, напаѓаше и создаваше шанси, но успеа само да го намали поразот, во 86. минута кога Милсон погоди за конечни 2-1.

Тимот на Чаби Алонсо славеше со 0-4 на гости кај Феенорд. Флоријан Вирц беше стрелец на два гола, погоди и Грималдо, а во 45.минута домаќинот си постигна и автогол.