Левандовски ги одби арапските милиони: Имам други приоритети

Голгетерот на Барселона, Роберт Левандовски не планира да стане новата ѕвезда која кариерата ќе ја продолжи во Саудиска Арабија.

Левандовски доби неколку богати понуди од Саудиска Арабија, но тој не размислува да замине од каталонскиот тим.

Мултимилионските понуди од Саудиска Арабија веќе ги искушија Карим Бензема и Кристиано Роналдо, а на листата на шеиците се уште многу фудбалски ѕвезди.

„Не размислувам за понудата од Саудиска Арабија. Затоа што нема за што да размислувам. Јас имам други приоритети. Гледам што се случува во последно време, но тоа не е моја грижа“, кажа Левандовски.