Леброн и друштвото очајни, Јокиќ одново блескаше ?

Tимот на Денвер изминатата вечер го победи Сан Антонио со 132:126, а нов одличен настап имаше српскиот кошаркар Никола Јокиќ.

Јокиќ по трипл-фаблот против Оклахома одново прикажа игра на највисоко ниво. Против Сан Антониот Јокиќ стигна до дабл-дабл со 25 поени и 11 асистенции, а додаде и уште четири скока за 32 минути поминати на теренот. Најефикасен кај Денвер беше Мајкл Портер со 30 поени и 15 скока. Во редовите на Спарси Руди Геј беше најрасположен со 24 поени.

За Денвер ова беше прва победа по продолжението на НБА, додека Сан Антонио го запиша втроиот пораз во низа.

Лејкерси беа очајни и забележаа порад од Оклахома со 86:106. Колку Лејкерси беа лоши на паркетот доволно зборува податокот дека ова беше прв натпревар сезонава во кој тимот од ЛА ниту еднаш не поведе. Реализацијата им беше на очајни 35.2%.

Леброн натпреварот го заврши со 19 поени и 11 скока, додека Дејвис постигна само девет поени. Крис Пол во редовите на Оклахома беше најефикасен со 21 поен. Ќе потсетиме Лејкерси претходно веќе го обезбедија првото место на западот.

НБА резултати:

Јута – Мемфис 124-115

Вашингтон – Филаделфија 98-107

Сан Антонио – Денвер 126-132

ЛА Лејкерс – Оклахома 86-105

Орландо – Торонто 99-109

Бостон – Бруклин 149-115