Лацио може да биде исфрлен од Серија А

Италијанската фудбалска федерација отвори истрага против Лацио поради можно нарушување на здравствените протоколи од страна на клубот.

Веќе неколку недели во римскиот клуб владее хаос околу тестирањето за Ковид 19 и резултатите од тестовите. Дури 12 фудбалери имаа позитиви тестови и не отпатуваа за мечот против Бриж во Лигата на шампиони на 28 октомври, а четири дена подоцна многу од тие фудбалери настапија протов Торино во Серија А.

Лацио се жали на валидноста на тестовите, но во Федерацијата се сомневаат дека се манипулирало со резултатите и поради тоа е донесена одлука за темелна истрага.

Доколку истрагата потврди дека постои манипулација со резултатите Лацио поради кршење на строгите правила, загрозување на здравјето на фудбалерите и сите останати вклучени во натпреварите ќе биде санкциониран, а казните се драстични.

Од плаќање на голема сума пари, одземање бодови па се до исклучување од првенството.