Лафонт: Сонувам да му одбранам пенал на Роналдо и Фиорентина да победи

Голманот на Фиорентина, Албан Лафонт призна пред натпреварот со Јувентус дека сонува да му одбрани пенал на Кристиано Роналдо.

Фиорентина и Јувентус во сабота ќе го играат натпреварот од 14-тото коло во Серија А.

„Сонувам за тоа да му одбранам пенал на Кристиано Роналдо и Фиорентина да го победи Јувентус“, изјави Лафонт за „Газета дело Спорт“ и додаде дека Јувентус не е само Роналдо.

„Мораме да бидеме внимателни цел натпревар. Јувентус не е само Роналдо, можат да бидат опасни и преку други играчи како што се Пјаниќ, Дибала, Манџукиќ…“, смета Лафонт.

Натпреварот помеѓу Фиорентина и Јувентус се игра во сабота од 18:00 часот.