Лаказет може да го напушти Арсенал, познат првиот фаворит за неговиот потпис

Францускиот напаѓач Александар Лаказет би можел да го напушти Арсенал на крајот од сезоната.

Во англиските медиуми се појави информација дека Арсенал е спремен да ги разгледа сите понуди за францускиот напаѓач и немаат ништо против негова продажба.

Главен кандидат за негов потпис во овој момент е Монако кој е предводен од Нико Ковач.

Инаку, договорот на Лаказет со Арсенал има важност до летото 2022 година, а неговата вредност во овој момент се проценува на 35 милиони евра.

Сезонава тој постигна 11 голови и запиша три асистенции во 30 настапи за Арсенал во сите натпреварувања.