Куман: Не е убаво што толку луѓе од ПСЖ зборат за Меси

Тренерот на Барселона, Роналд Куман е огорчен поради тоа што многу играчи на ПСЖ го коментираат потенцијалниот трансфер на Меси во францускиот клуб.

Се започна со Нејмар. Бразилецот пред неколку недели истакна дека сака да игра повторно заедно со Лео и се надева дека тоа ќе се случи веќе наредната сезона. Секако, веднаш започнаа шпекулациите за евентуално доаѓање на аргентинскиот велемајстор на „Паркот на принцовите“. Вчерашната изјава на Анхел Ди Марија го налути Куман.

„Се надевам дека ќе заигра за ПСЖ. Верувам дека е голема можноста да се случи, но мораме да бидеме трпеливи“, порача Ди Марија.

Одговорот на Куман дојде вчера после мечот со Гранада во Кралскиот куп.

„За мене тоа е непочитување. Не е убаво што толку луѓе од ПСЖ зборат за Меси кој се уште е под договор со Барселона“, порача Куман.