Критики за Јокиќ: Ако размислуваш дали да играш за својата држава ти не си спортист, туку бизнисмен

Женската кошаркарска репрезентација на Србија вчера стана европски шампион откако во финалето беше победена Франција со 63:54, ова секако предизвика радост кај нашиот северен сосед каде што тема се уште е одлуката на Никола Јокиќ да не игра за машкиот национален тим.

За тоа зборуваше поранешната српска репрезентативка Наташа Анѓелик и испрати критики до Јокиќ.

„Не треба да се заборави дека овие девојки доаѓаа да играат секогаш кога беа потребни. Јелена Брукс дојде во репрезентацијата три месеци по породувањето. Репрезентацијата не треба да биде интерес туку љубов и пример за генерациите кои доаѓаат. Ако размислуваш дали да играш за својата држава, ти не си спортист, тогаш си бизнисмен“, изјави Анѓелиќ.