Кој е најуспешниот тренер на Челзи во ерата на Абрамович?

Тимот на Челзи од доаѓањето на Роман Абрамович промени многу тренери, но кој од нив остави најголема трага?

Антонио Конте минатата сезона ја освои Премиер лигата и ФА Купот со Челзи, а на 106 натпревари оствари учинок од 69 победи, 17 нерешени средби и 20 порази. Тоа го сместува на третото место на листата најуспешни тренери во лондонскиот клуб од доаѓањето на Абрамович и неговите милиони или ако сакате милијарди.

Второто место му припаѓа на Карло Анчелоти, кој ги водеше „сините“ од 2009 до 2011 година и тој на „Стенфрод Бриџ“ ги освои Премиер лигата и ФА Купот, а Челзи го водеше во 109 натпревари со учинок од 67 победи, 20 нерешени средби и 22 порази.

Далеку пред сите е Жозе Мурињо! Португалецот освои две титули во Премиер лигата, два лига купа, и еден ФА Куп од 2004 до 2007 година, а на 185 натпревари забележа 124 победи.

Мурињо имаше и втор мандат во Челзи од 2013 до 2015 година и тогаш ја освои Премиер лигата со 80 победи на 136 натпревари, значи тој три пати ја освоувал Премиер лигата со „сините“ и е апсолутен крал во ерата на Абрамович.

Зад Мурињо, Анчелоти и Конте е Ди Матео кој ја освои Лигата на шампионите, потоа Гус Хидинiк, Рафа Бенитез кој исто така беше шампион на Европа, Аврам Грант, Клаудио Раниери, Фелипе Сколари и Андре Виљаш Боаш.