Кој ако не тој: Азар со одличен гол од далечина во 92-та минута го спаси Челзи од бламажа (ВИДЕО)

Челзи во 30-тото коло во Премиер лигата го пречека најпријатното изненадување во Англија оваа сезона.

Фудбалерите на Челзи ремизираа на „Стенфорд Бриџ“ против Вулверхемптон, до бодот „сините“ стигнаа во судиското продолжение 1:1 (0:0).

Во првото полувреме фудбалерите на Челзи кружеа со топката околу казнетиот простор на „Волците“, но недостасуваше завршниот пас, „сините“ доминираа, но не успеаа да постигнат гол за водство.

После десетина минути игра во второто полувреме следуваше вистински шок за фаворитот. Хименез и Јота одлично истрчаа, топката стигна до Мексиканецот кој излезе сам пред Кепа, шутираше и таа заврши во мрежата.

Само две минути подоцна после голот на Вулвс, Игуаин имаше шанса да постигне гол меѓутоа Патрисио одлично интервенираше. Нова шанса имаше Челзи веќе во 60-тата минута, Педро шутираше од работ на казнетиот простор, но Португалецот Патрисио одново се истакна со добра интервенција.

Напаѓаше Челзи, прилика добија и младите Хадсон Одои и Лофтус Чик. Вилијан се закани со добар удар во 87-та минута, а Патрисио одново се испречи.

Тогаш во второтата минута од судиското продолжение, кој друг ако не најдобриот играч на Челзи, Еден Азар успева со силен удар од далечина да го совлада Патрисио за 1:1.

EDEN HAZARD GOAL OUT OF NOWHERE WHAT A PLAYER pic.twitter.com/Y6QBxzPKqh

— – (@Arrizabalagaed) March 10, 2019

Вулвси како да беа шокирани од овој погодок, па „сините“ во последните моменти од натпреварот притиснаа за втор погодок, но сепак успеаа да креираат конкретна прилика.