Пандемијата со коронавирусот сигурно ќе влијае на финансиите на многу европски клубови. Еден од тие клубови е белгиски Андерлехт кој трпи страшни загуби и тоа би можело да го доведе овој клуб до банкрот.
Клубот одлучи да ги намали трошоците колку што ее можно, а најцрното сценарио не го исклучува ниту газдата Карел Ван Етвелт.
„Коронавирусот има големо влијание на нашите животи. Андерлехт не може да побегне од последицата на пандемијата. Нашиот клуб е должен поради големата неизвесност околу приходите да ги намали трошоците колку што е можно повеќе. Тоа подразбира и флексибилност на сите вработени. Клубот одлучи жртвата да ја подели на сите. Сите мораме да учествуваме. Андерлехт е клуб кој низ историјата се нашол во големи проблеми, но секогаш излегувал како победник. Ќе победиме и сега“, стои во обраќањето на клубот.
Наводно Белгијците должат 100 милиони евра и поради ситуацијата во овој момент тој долг може дополнително да порасне.
Инаку, Андерлехт е најтрофејниот белгиски клуб со освоени 34 титули. Во својата историја има успех и во Европа. Го освои УЕФА Купот (денешна Лига Европа) во 1983, Купот на победниците на куповите (денешна Лига на шампиони) во 1976 и 1978 година и УЕФА Суперкупот во 1976 и 1978.
Учество во игри на среќа е дозволено за лица со 18+ години. Играј одговорно!