Конте: За две недели ќе биде позната мојата иднина

Aнглиските медиуми во последните месеци се повеќе шпекулираат дека се ближи денот кога Антонио Конте ќе добие отказ од Челзи.

После минатата шампионска сезона, тренерот на Челзи наводно ја изгубил довербата од управата и навивачите бидејќи лондонскиот клуб во овој момент се наоѓа на третата позиција во англиската Премиер лигата.

„Тешко е сега да се коментира, посебно бидејќи за тоа се зборува уште од првиот натпревар против Барнли. Мислам дека досега требаше да знаете дека тоа не е моја работа. Фокусиран сум само на играта на тимот и на тоа што подобро да ја завршиме сезоната. Имаме уште две недели од сезоната и потоа ќе биде позната мојата иднина. Сегашноста е дека имам договор и посветен сум на Челзи, ништо друго“, изјави Конте.

Во случај Конте да заработи отказ во овој момент како најсериозни кандидати за негови наследници се споменуваат Маурицио Сари и Луис Енрике.