Кондициониот тренер Сасански си замина од Работнички

Кондициониот тренер Илија Сасански, кој беше дел од стручниот штаб на Александар Влахо, Марјан Андрески и Ратко Достанич, не ја продолжи соработката и си замина од фудбалскиот клуб Работнички.

Сасански беше одговорен за кондиционата програма на тимот, работа со повредени играчи и враќање во посакуваната форма, како и за контрола и анализа на ГПС податоците од Полар системот.

„Голема благодарност до тренерот Александар Влахо за укажаната доверба како и до играчите за одличната соработка“, изјави Сасански.