Ливерпул синоќа беше поразен на Енфилд од Челси со 1:0 и со тоа породолжи големата криза кај актуелниот англиски првак.
Црвените се седми на табелата со 43 бода, а поразот од Челси е петти во низа на домашен терен и тоа се случува прв пат во историјата на клубот.
Кој ќе тепа на Ел Класико!? ↓↓↓
Манчестер Сити е се поблиску до титулата, но Јирген Клоп не се откажува.
„Индивидуалната акција на Маунт го одлучи натпреварот. Самиот натпревар беше изедначен и интензивен. Имавме повеќе шанси, Мане имаше голема шанса, а имаше уште многу други моменти во кои не успеавме да погодиме. Примивме гол, погрешивме. Со поседот кој го имавме мораше да создадеме повеќе шанси. Ова е сериозен удар, но се уште не е готово.“ – рече Клоп.
За Црвените се поизвесно е дека најважно натпреварување ќе им биде Лига на шампиони, а таму се на чекор до четвртфинале откако во првиот натпревар го совладаа Лајпциг со 0:2.