Ковачиќ: Реал Мадрид е создаден за Лигата на шампионите

Реал Мадрид го победи ПСЖ во Париз со 1:2 и со вкупни 5:2 се пласираше во ¼ финалето во Лигата на шампионите.

Зинедин Зидан за оваа средба на клупата за резерви го остави Хрватот Матео Ковачиќ. Реал одигра одличен натпревар и уште еднаш покажа дека е различен тим во Примера и Лигата на шампионите.

„Да, неверојатно е колку се менуваме кога играме во Лигата на шампионите. Реал е создаден за ова онатпреварување. ПСЖ игра одличен фудбал, имаа поголем посед, но ние бевме агресивни и многу трчавме. Кога така играме, навистина е тешко да бидеме победени“, изјави Ковачиќ.