Коби Брајант: Србија може да го победи САД

Денес ќе биде одржан ждребот за СП во кошарка кое ќе се игра во Кина од 31-ви август до 15-ти септември.

Легендарниот Коби Брајант ќе биде главна ѕвезда на ждребот. Петкратниот НБА шампион со репрезентацијата на САД освои две олимписки злата (2008 и 2012), а сега Брајант доби прашање дали Србија може да ги победи недопирливите Американци.

„Дали може Србија да го победи САД? Одговорот е – да! Мислам дека може и убеден сум дека не се единствени кои тоа можат да го направат. САД мора сериозно да се спреми за турнирот бидејќи секако може да бидат победени“, изјави Коби за српските медиуми.

И селекторот на Србија Ѓорѓевиќ верува дека може такво нешто да се случи.

„Знам дека на сите им изгледа дека Американците се недопирливи, но еднаш им кажав на моите играчи – некој ќе ги победи, зошто тоа да не биде Србија? Со тоа им дадов до знаење за што размислувам“, изјави Ѓорѓевиќ.

Репрезентацијата на Србија на СП ќе биде помеѓу носителите со домаќинот Кина, САД, Шпанија, Франција, Аргетнина, Литванија и Грција.

Ќе потсетиме, Американците ја победија Србија на Олимписките игри во Рио и на споменатото Светско првенство во 2015 година. Во финалето на ОЛ беше 96:66, а во финалето на СП 129:92 за САД.