Клоп најде оправдување за цената на Алисон

Менаџерот на Ливерпул, Јирген Клоп е убеден дека изборот да го донесе Алисон од Рома е исправен и покрај фактот што беше платена рекордна сума за еден голман – 75 милиони евра.

Во зимскиот преоден рок „црвените“ исто така го направија Вирџил ван Дијк најскап дефанзивец, што се коси со принципите на Клоп, кој тврдеше дека никогаш нема да потроши толку пари на еден фудбалер.

„Сите си мислат дека тоа се многу пари. Така е, тоа се многу пари. Но видете ја клаузулата на Јан Облак која изнесува 100 милиони евра. Притоа, ова е година каде нема големо раздвижување на голмани на трансфер пазарот“, изјави Клоп.

„Тоа е дел од мојата работа, да се обидам да ги донесам што е можно најдобрите фудбалери за кои имам можност. Пазарот на голманите е различен од останатите, па поради тоа цената е прифатлива“, додаде Германецот.

Welcome to @LFC, @Alissonbecker. ?https://t.co/t4msWAm2sU pic.twitter.com/2xefw3zIFU

— Liverpool FC (@LFC) July 19, 2018