Кимих убеден дека Баерн ќе се пласира во полуфиналето

Фудбалерот на Баерн, Џошуа Кимих верува дека еговиот тим вечерва ќе избори пласман во полуфиналето на ЛШ.

Баерн загуби во првиот натпревар во Минхен со 3:2, но во Париз ќе се обидат да го анулираат недостатокот и сепак да дојдат меѓу четирите најдобри екипи во Европа.

„Убеден сум дека ќе се пласираме понатаму, бидејќи сме подобар тим. Бевме подобри и во првиот натпревар, но за жал резултатот не го покажува тоа. Сепак, верувам дека ќе направиме пресврт во реваншот.“ – рече Кимих и додаде:

„Многу ќе зависи од нашиот менталитет, но и ефикасност. И во првиот натпревар покажавме добар менталитет, но овој пат мора да бидеме и ефикасни.“

Според кладилниците, Баерн е фаворит иако игра со истиот ривал кој пред една недела го порази на свој терен.

Баерн беше во слична ситуација и во 2018. година кога во полуфиналето против Реал на свој терен загуби со 2:1, но испадна после 2:2 во реваншот.