Карачиќ: Зборуваа „ние сме Барса“, епа – „ние сме Вардар“!

Вардар повторно ја израдува македонската јавност и одново ќе игра финале во Лигата на шампионите!

После првото полувреме се најавуваше катастрофа бидејќи Вардар губеше со седум гола разлика. Милосављев одбрани 13 топки, но црвено црните имаа проблеми со реализацијата. На полувреме се замина со дури седум гола предност за Барселона.

Но во второто полувреме Вардар успеа чудесно да се врати и на крајот да победи со два гола разлика.

После мечот за медиумите зборуваше и Игор Карачиќ кој заработи повреда во овој натпревар.
„Тие одиграа одлично прво полувреме, но ние покажавме карактер и се вративме. Го победивме моќниот противник. Зборуваа: Ние сме Барса, како некој нивни слоган, епа – „ние сме Вардар“ и сега сите знаат што значи тоа“.

Дали Карачиќ ќе може да настапи на финалниот натпревар ќе се знае веројатно утре.