И покрај тоа што беше навредуван Ибрахимовиќ и помогнал на Звезда!

Oвие денови Црвена Звезда ја дозна казната за навредите кон Ибрахимовиќ од натпреварот против Милан.

Ибрахимовиќ тогаш додека седеше на клупата добиваше навреди од луѓе кои не требаше ниту да бидат на стадионот. УЕФА парично ја казни Звезда и забрани присуство на публика на следниот европски натпревар.

Меѓутоа како што пишува српски „Моцарт“ Ибрахимовиќ ја спасил Звезда да не добие поголема казна.

Имено, Златан можел да поднесе приватна тужба против Звезда, меѓутоа Ибра веднаш им соопштил на неговите пријатели од Звезда дека нема тоа да го направи. На тој начин Ибра помогна на неговиот поранешен соиграч од Интер, Дејан Станковиќ.

Навистина, мал гест на Ибрахимовиќ, но секако од големо значење затоа што е познато дека УЕФА има нулта толеранција кога во прашање се навредите на расна основа.