Итен состанок помеѓу Гатусо и челниците на Милан

Ден после поразот од Торино, челниците на Милан свикаа вонреден состанок на кој се појавил и Џенаро Гатусо.

Милан во последно време игра лошо и повеќе не е меѓу четирите најдобри екипи во Серија А, па ЛШ во овој момент е невозможна мисија.

Нормално, не е се готово, но со ваква игра Росонерите тешко дека на нешто може да се надеваат.

После поразот од Торино со 2:0, челниците на Милан и Џенаро Гатусо се сретнаа да разговараат за иднината.

На состанокот се претседателот на Управата Иван Газидис, како и директорите на клубот Леонардо и Малдини, а се очекува да биде присутен и претседателот Паоло Скарони. Нема информации што може да се случи, но наводно на Сан Сиро ќе го задржат Џенаро до крајот на сезоната, без разлика на исходот.

Но, после тоа, тешко дека Гатусо ќе остане тренер на Милан и веќе се бара негова замена за следната сезона.