Италијанците најавуваат: Спалети со Елмас го напаѓа Милан во ЛШ!

Виктор Осимен и дефинитивно нема да биде спремен да игра за Наполи на утрешниот натпревар против Милан, а ова веројатно значи дека македонскиот репрезентативец, Елиф Елмас ќе добие шанса од првата минута.

Наполи ќе биде ослабен и ќе мора во овој прв натпревар од четвртфиналето во најелитното европско натпреварување да биде без својот прв стрелец. Осимен го пропушти и натпреварот против Милан во Серија А кој Наполи го загуби со 4:0, а не настапи ниту против Лече за викендот.

Италијанските медиуми најавуваат дека Спалети на местото на Осимен ќе игра Елмас кој би ја имал улогата на „лажна деветка“.

Елмас беше стартер и на гостувањето кај Лече, натпревар кој Наполи го доби со 1:2.