Истражување на Швајцарците: Реал Мадрид ги има најверните играчи

Швајцарскиот независен институт за фудбалска статистика и истражување (CIES) анализираше кои клубови ги имаат најверните играчи.

Истражувањето се заосновало на годините кои играчите ги поминувале во сегашните клубови.

Лидер е актуелниот европски шампион Реал Мадрид. Играчите кои денес го носат дресот на овој клуб имат просек од 5.84 години, а најдолг стаж во Мадрид имаат Серхио Рамос, Марсело и Карим Бензема.

На второто место е големиот ривал на „кралевите“ од шпанското првенство – Барселона. Каталонците имаат просек од 5.36 години.

Потоа следуваат: Баерн Минхен (5.26), Викторија Плзен (4.28), Селтик (4.25), Атлетико Мадрид (4.17), Шахтјор (4.02), Тотенхем (3.89), Матезбург (3.86) и Атлетико Билбао (3.80).

Негативниот лидер во просек на годините кои сегашните играчи ги поминувале во клубот е хрватска Истре со просек од само 0.15.