Избран најдобриот во Барселона за минатата сезона, а тоа не е Меси

Како и секоја година така и оваа година доделена е наградата за најдобар играч на Барселона за претходната сезона.

Реномираната награда по име „Алдо Ровира“ се доделува на најдобриот во редовите на Каталонците, а жирито го сочинуваат Жозеп Луис Ровира (татко на починатиот Алдо по кој трофејот го носи името), претседателот Бартомеу и уредниците на најдобрите медиуми во Барселона.

За претходната сезона победник е – Марк Андре Тер Штеген!

Германскиот голман беше одличен, а во онлајн одржаниот состанок одлучено е тој да биде добитникот на оваа награда.

Тер Штеген ќе ја добие наградата во текот на сезоната. Треба да се спомене дека Лионел Меси е фудбалерот кој најмногу пати ја освојуваше оваа награда, дури шест пати.

Трофејот се доделува од сезоната 2009/2010, покрај Меси и Тер Штеген добитници беа Маскерано, Абидал, Суарез и Пике.