Игуаин: Ги поздравувам сите кои ме критикуваа

Напаѓачот на Јувентус, Гонзало Игуаин повторно доби повик во репрезентацијата на Аргетнина, каде што го немаше некое време.

Жорге Сампаоли одлучи го врати 31 годишниот напаѓач во тимот пред пријателските средби со Италија и Шпанија и тоа за напаѓачот ќе биде прилика да се наметне пред Светското првенство.

„Среќен сум што после шест месеци повторно сум член на репрезентацијата. Тоа е знак дека добро работев и се надевам дека ќе го убедам селекторот да ме повика во Русија. Не сум тука за да зборувам, мојата работа е да играм фудбал. Само ќе ги поздравам оние кои ме критикуваа, се надевам дека се среќни бидејќи јас сум“, изјави Игуаин.

Гонзало Игуаин за репрезентацијата на Аргентина одигра 68 натпревари и постигна 31 гол.