Играчот на Реал кон Зидан: Не се секирај, и јас не сакам да работам со тебе!

Уште од враќањето на Зинедин Зидан на тренерското столче во Реал Мадрид стана јасно дека за некои фудбалери нема место во неговиот тим.

Еден од нив е и Дани Себаљос, кој воопшто не добива шанса под раководство на Зидан. Пред крајот на сезоната францускиот стратег имал приватен разговор со играчот и му кажал дека е слободен да си бара нов клуб.

„Не се секирај тренеру, и јас не сакам да работам со тебе“, му кажал Себаљос во очи на Зидан, открива весникот „АС“.

За Себаљос интерес покажуваат многу клубови ширум Европа, но најблиску до неговиот потпис е Тотенхем, кој го сака младиот Шпанец како замена за Кристиан Ериксен.