Играчот кој е мета на Интер и Јувентус навива за Милан (ФОТО)

Фудбалерот на Фиорентина Федерико Киеза е еден од најбараните италијански фудбалери на трансфер-пазарот и очекувањата наскоро да ја промени средината, сериозен интерес за неговите услуги покажаа Интер и Јувентус.

Интер и Јувентус веќе подолго време се поврзуваат со Киеза, а тој сега одговарајќи на прашања на неговиот Инстаграм профил откри дека е навивач на Милан.

Прво тој доби прашање кој е негов омилен играч. Избра тројца играчи и сите беа поранешни фудбалери на „росонерите“.

„Роналдо (Бразилецот), Кака и Шевченко“, гласеше одговорот на Киеза.

По тоа прашање следуваше и уште едно да избере еден тим од Интер на Мурињо кој освои „триплета“ и Милан кој беше предводен од Шевченко.

„Милан со Шева“, одговори Киеза.

Можеби ова е еден повик до управата на Милан да се обидат да го доведат Киеза.