Зошто Трајковски го изведе пеналот? Имало договор!

Македонија денес иако беше фаворит сепак одигра само 3:3 против Естонија.

Селекторот Игор Ангеловски овој натпревар го започна со комбинаран состав и прилика за игра добија оние кои вообичаени се на клупата. На крајот со два гола во финишот успеавме да спасиме бод.

Можеби ќе беше друго ако Трајковски при резултат 2:1 реализираше пенал и тогаш изедначевме на 2:2. Трајковски во неговиот обид од белата точка ја погоди само пречката.

Изненадувачки беше што Трајковски доби прилика да го изведе пеналот, вообичаено тоа се Пандев, Барди, Алиоски…По мечот Ангеловски објасни дека уште пред натпреварот помеѓу фудбалерите имало договор ако има пенал да го изведе Трајковски.