Зидан со големи проблеми пред првиот меч

Тренерот на Реал Мадрид, Зинедин Зидан ќе има големи кадровски проблеми за првиот меч оваа сезона.

„Кралевите“ во недела му гостуваат на Реал Сосиедад, а Зидан нема да може да смета дури на девет фудбалери за овој меч.

Бејл заминува за Тотенхем, а Азар, Јовиќ, Одегард, Милитао, Васкес, Маријано Дијаз и Марко Асенсио се повредени и тренираат индивидуално.

Иско се очекува наскоро да му се придружи на остатокот од тимот, но најверојатно и тој нема да може да игра на „Сан Себастијан“.

Така Зидан ќе располага само со 17 фудбалери од првиот тим и ќе ја дполни групата со фудбалери од младинскиот тим.

Ла Лига ја прифати препораката на УЕФА и оваа сезона тимовите да имаат право на пет измени во еден натпревар.