Зидан се согласил да го преземе Јунајтед и им се доверил на пријателите

Иако се одиграа само два натпревари во новата сезона, се почести се шпекулациите дека Жозе Мурињо ќе го напушти кормилото на Манчестер Јунајтед.

Незадоволството на „Олд Трафорд“ се повеќе расте, а медиумите тврдат дека Мурињо набрзо може да добие отказ. Весникот „Дејли Мејл“ отиде чекор подалеку, тврдејќи дека клубското раководство е подготвено и со неговиот заменик. Според нивните информации, тоа ќе биде Зинедин Зидан.

Легендарниот Французин моментално е без работа откако го напушти Реал Мадрид. За својот период на чело на „белите“ тој успеа да ја освои три пати Лигата на шампионите, а сега дал согласност да го води Јунајтед.

Зидан на блиски пријатели им се доверил дека очекува понуда доколку Жозе Мурињо добие отказ во следните месеци и дека е подготвен да ја прифати.