Зидан: Одиме на победа на „Енфилд“

Реал Мадрид вечерва му гостува на Ливерпул во реванш четвртфиналето од ЛШ и има солидна предност од првиот меч (3:1).

Сепак, Зидан најави дека неговиот тим ќе игра без калкулации и дека оди по победа на „Енфилд“.

„Ова е една неверојатна сезона, но сите имаме проблем со густиот распоред. Ќе се бориме до крај и ќе дадеме максимум. Ги немам сите фудбалери на располагање, но најважно е да бидеме подготвени за борба. Нема да се штедиме на мечот и ќе одиме на триумф и во реваншот“, вели Зидан.

Азар и Лукас Васкез отпаднаа за овој меч поради повреда, а добрата вест е што Зидан ќе може да смета на Феде Валверде.