Зборовите на Мурињо биле погрешно протолкувани: Не ни е потребно чудо

Менаџерот на Манчестер Јунајтед смета дека неговите зборови се погрешно протолкувани од страна на новинарите.

Жозе Мурињо инсистира дека на Манчестер Јунајтед не му е потребно чудо за да заврши помеѓу првите четири клуба во Премиер лигата оваа сезона, спротивно на медиумските најави.

Кога Мурињо го запрашаа дали навистина му е потребно чудо на неговиот тим да дојде до четвртата позиција. „Специјалниот“ одговори во свој стил.

„Не знам дали сум кажал такво нешто или не, но ако сум го употребил зборот чудо тоа воопшто не го чуствувам. Осум бодови заостануваме зад четвртата позиција, не мислам дека ни е потребно чудо. Потребна ни е добра игра и добри резултати“, тврди Мурињо.

Ќе потсетиме, Мурињо утре со Манчестер Јунајтед ќе има сериозен тест во натпреварот против Арсенал кој е 19 натпревари без пораз.