Завршува една ера: Браќата Пау и Марк Гасол се простуваат од репрезентацијата

Шпанските кошаркари браќата Пау и Марк Гасол објавија дека се простуваат од репрезентацијата на Шпанија.

„Ова беше последен натпревар за Шпанија, ќе видиме дали последен во кариерата. Благодарен сум на сите што бевте тука, изјави Пау кој со Шпанија освои три олимписки медали, две сребра и една бронза.

Простување најави и неговиот брат.

„Треба да играат младите, а за да можат треба да им се тргнеме од патот. Во спортот никогаш не можеш да бидеш сигурен дека ќе победиш, посебно кога имате противник како САД“, порача Марк.