Жерар Делофеу – Човекот кој Барса го „отпиша“ вчера блескаше против шампионот на Англија

Вотфорд во вчерашниот натпревар го декласираше Челзи со убедливи 4:1, а новото засилување на домаќините посебно се истакна во овој натпревар.

Каталонецот, Жерар Делофеу оваа сезона се врати во Премиер лигата после слабата есен во матичниот клуб и вчера заблеска против актуелниот шампион на Англија.

Младиот Шпанец се врати на „Ноу Камп“ после добрите настапи во Евертон и Милан и многумина сметаа дека значително ќе го намали притисокот на Меси и Суарез.

Меѓутоа следуваа бледи изданија, а многумина го прогласија и за целосно промашување. Сето тоа резултираше со трансфер во Вотфорд, а во натпреварот против Челзи беше и играч на мечот.

Над Делофеу беше направен пеналот со кој „стршлените“ стигнаа до водство во првото полувреме, а својот одличен настапи го круниса со гол на две минути пред крајот на натпрарот.

Тренерот на Вотофрд во тие моменти го извади од игра, а целиот стадион го испрати со овации.