Ето: Ако Меси замине Барселона треба да го промени името на клубот

Самуел Ето освои две титули во Лигата на шампионите со Лионел Меси во тимот, па поради тоа на легендарниот Камерунец сигурно му било тешко да го гледа дебаклот во Лисабон.

Поранешниот соиграч на Меси смета дека големината на Аргентинецот е еднаква со онаа клубот и во интервју за „Тик Спортс“ потенцираше дека Барселона ќе треба да го менува името доколку Меси замине.

„Меси го сакам како мој син и го сакам најдоброто за него. Барселона е Меси и ако одлучи да си замине клубот ќе треба да го промени името. Ние што ја сакаме Барселона треба да бидеме среќни затоа што го имаме најдобриот играч на сите времиња. Сите во клубот мораат да направат се за тој тука да ја заврши кариерата“, изјави Ето.