„Ел Чирингуито“со мистериозна најава ги остави во исчекување навивачите на Барселона

Барселона сезоната не ја започна како што се очекуваше и веќе низ медиумите се шпекулира дека ситуацијата во клубот не е најдобра.

Шпанските медиуми објавија дека неколку фудбалери не се сложувале со тоа Ернесто Валверде да остане тренер, но и покрај тоа во клубот си стојат ставот Валверде да не биде сменет.

Пике неодамна отворено зборуваше дека не се согласува со она што го прават во клубот и дека е јасно дека промени се потребни за Барселона да се врати на вистинскиот пат.

Шпанскиот „Ел Чирингуито“ кој знае од време на време да објави некаква ексклузива најави дека многу брзо (можеби и до крајот на денот) некоја важна личност од Барселона ќе си замине. Во нивната објава се наведува само тоа со дополнување дека повеќе информации ќе следуваат подоцна.

Исто така не е објавено дали станува збор за некој фудбалер или член на управниот одбор.