Египет за нов селектор го избра најдобриот стрелец во историјата на репрезентацијата

Репрезентацијата на Египет и официјално го назначи новиот селектор, а изборот падна на најдобриот стрелец во историјата на оваа селекција.

Египетскиот фудбалски сојуз објави дека на кормилото седнува 57-годишниот Хусам Хасан. Како играч со Египет, Хасан трипати го освојуваше Африканскиот Куп на Нации, додека дресот на селекцијата го носеше на 176 натпревари и постигна 68 гола.

Хасан на местото селектор го наследува Руи Виторија кој доби отказ откако Египет беше елиминиран во 1/8 финалето на Африканскиот Куп на Нации од ДР Конго.