Еве како изгледа најновата АТП листа пред почетокот на УС Опен

Очите на љубителите на тенисот од денеска ќе бидат вперени во Њујорк, каде ќе започне УС Опен, последниот Грен слем турнир во сезоната.

Првиот, Австралија опен, го освои Јаник Синер, а потоа Карлос Алкараз славеше на Ролан Гарос и Вимблдон. Новак Ѓоковиќ е бранител на титулата во Њујорк, а оваа година освои само еден турнир, олимпискиот во Париз кој за него беше и најважен.

Пред самиот почеток на УС Опен беше објавена и најновата АТП листа.

Новак Ѓоковиќ кој за многумина по играта која ја покажа во Париз е прв фаворит турнирот го дочекува од втората позаиција. Пред него е само Италијанецот Јаник Синер.

Синер, кој во Њујорк пристигна по допинг скандалот кој беше актуелен овие денови, убедливо води на листата со 9.360 бодови, додека Ѓоковиќ има 7.460. Алкараз е многу блиску со само 100 бода помалку.

Во топ 10 се уште: Александар Зверев, Данил Медведев, Андреј Рубљев, Хуберт Хуркач, Каспер Руд, Григор Димитров и Алекс де Минор.