Дрогба исполни ветување кон Мбапе кое му го дал во епскиот натпревар со Барса

Лионел Меси вчера во Париз ја освои шестата Златна топка и стана единствениот фудбалер во историјата на кого му успеало такво нешто.

Аргентинецот до вчера имаше пет како и Ронадло, меѓутоа Португалецот немаше година како претходните, па и се очекуваше тој да не биде добитникот.

Еден од главните гости на гала вечерта беше Дидиер Дрогба кој откри нешто интересно кога Килијан Мбапе излезе на сцената,

„Пред точно 10 години едно момче сакаше да се слика со мене. Му ветив дека ќе се сликаме после натпреварот, но на крајот одбив затоа што тоа беше оној натпревар од 2009 година проитив Барселона кога бевме ограбени. Бев толку изнервиран што не ни беше до фотографирање. Подоцна дознав дека тоа момче било Килијан Мбапе и сега е време да си го одржам ветувањето“, изјави легендарниот напаѓач после што ја замоли публиката да стане за селфи со Мбапе и водителката.