Дончиќ играше за историја во поразот на Далас, Џон Вол ги „растури“ Лејкерси, Јокиќ блиску до трипл-дабл (ВИДЕО)

Изминатата вечер во НБА лигата беа одиграни четири натпревари.

Кошаркарите на Сакраменто славеа против Далас Маверикс на гостувањето со резултат 120:113.

Натпреварот во Тексас беше обележан со тешката повреда на легендарниот Дирк Новицки после долгата пауза и новиот маестрален настап на Лука Дончиќ кој натпреварот го заврши со 28 поени, шест асистенции и девет скокови.

Со овие бројки Дончиќ влезе во НБА историјата станувајќи само шестиот тинејџер во НБА историјата кој на еден натпревар имал ваквов учинок.

Во текот на поголемиот дел од натпреварот Кингси имаа минимална предност. После неизвесното полувреме во кое успеаа да дојдат до +3, следуваше серија од 8:0. Пред крајот на третата четвртина успеаа да направат предност од 12 поени, што подоцна ќе се покаже дека ова е клучниот момент на натпреварот.

Покрај Дончиќ, Херисон Барнс запиша 15 поени, Весели Метјуз додаде 13, Џејлен Барнсон уфрли 12. Новицки за осум минути на теренот запиша три поени.

Денвер на свој терен беше подобар од Торонто со 95:86.

За Торонто не беше доволен одличниот настап на Каваи Леонард кој натпреварот го заврши со дабл-дабл учинок од 29 поени, 15 скокови и четири асистенции. Победничкиот тим беше предводен од страна на Никола Јокиќ кој запиша свој учинок од 26 поени, девет скокови и четири асистенции.

Лос Анџелес Лејкерси запиша пораз на гостувањето кај Вашингтон Визардс со 128:110. Во овој пораз на Лејкерси скромен настап запиша Леброн Џејмс со 13 поени, шест скокови и три асистенции.

Ноќ за паметење имаше Џон Вол кој уфрли 40 поени, запиша 14 асистенции и шест скокови, зад него следеше Бил со 25 поени, три асистенции и 12 скокови. Во редовите на Лејкерси најефикасен беше Калдвел Поп со 25 поени, пет асистенции и шест скокови, Кајл Кузма броеше до 20 со три асистенции и шест скокови.

Во последниот натпревар Мајами славеше победа на гости со 96:102 против Њу Орлеанс.