Дончиќ блесна во третата четвртина и постави личен рекорд, Далас до победа, Бруклин обезбеди плеј-оф

Изминатата вечер во НБА лигата беа одиграни шест натпревари.

Далас Маверикс по поразот од Сакраменто дојде до победа против Голден Стејт. Лука Дончиќ играше одлично и после три четвртини беше седнат на клупата затоа што Далас веќе ја имаше обезбедено победата. Конечниот резултат на крајот гласеше 133:103, а Дончиќ постигна 39 поени и собра осум асистенции и шест скока. Посебно блескаше во третата четвртина кога постигна 23 поени. Кога во прашање е една четвртина тоа е негов личен рекорд. Мечот беше решен во првата четвртина која Мавси ја добија со 36:12.

Бруклин е првиот тим од Истокот кој го обезбеди плејофот. Нетси беа подобри од Торонто со 116:103, одличен беше Џеф Грин кој постигна 22 поени, Кевин Дурант успеа да дојде до дабл-дабл од 17 поени и 10 скока.

НБА РЕЗУЛТАТИ: Бостон – Оклахома 115:119, Шарлот – Милвоки 104:114, Индијана – Портланд 112:133, Торонто – Бруклин 103:116, Хјустон – Минесота 107:114, Голден Стејт – Далас 103:133.