Донесена одлука за гостински навивачи во „Суперкласико“

На 10-ти ноември ќе се одигра првиот финален натпревар од Копа Либертадорес во кој силите ќе ги одмерат најголемите аргентински ривали, Бока Јуниорс и Ривер Плата.

Сепак, како што тоа е случај во првенството на Аргентина, ниту во финалето на Копа Либертадорес нема да видиме гостински навивачи на стадионите.

Во аргентинскиот клупски фудбал забраната за гостински навивачи е на сила од 2013 година, управите на Бока и Ривер одлучија дека е најдобро таа да се пренесе и во финалето на најголемиот клупски натпревар во Јужна Америка.

Но, тоа нема да го намали спетаклот, бидејќи „Суперкласико“ секогаш ги оправдува очекувањат. Се надеваме на одличен натпревар на 10-ти на „Бонбоњера“ како и на „Монументал“ 14 дена подоцна.