Донарума: Никој не очекуваше Манчини да замине

Чуварот на мрежата на Пари Сен Жермен, Џанлуиџи Донарума истакна дека бил изненаден од заминувањето на Роберто Манчини.

Манчини неодамна поднесе оставка за да стане селектор на Саудиска Арабија која го направи најплатен тренер во светот. Голманот на ПСЖ не криеше дека не очекувал такво нешто oд италијанскиот селектор.

„Никој не очекуваше Манчини да си замине, немаше такви најави. Разговаравме и му се заблагодарив затоа што помогна да испишеме историја. За жал не се пласиравме на Мундијалот, но го освоивме Европското првенство“, изјави Донарума.