Доби повик за ЕП, а тој го испланирал годишниот одмор: Веќе резервирав сафари во Танзанија

Селекторот на Германија, Јулијан Нагелсман вчера го објави списокот на фудбалери за Европското првенство, а на него се најде и голманот Александар Нубел кој од Баерн брани како позајмен во редовите на Штутгарт.

Самиот Нубел призна дека бил пријадно изненаден од повикот кој го добил, а бидејќи не очекувал тој во тој период го резервирал својот годишен одмор.

„Го испланирав одморов, имав резервирано сафари во Танзанија. Сепак со задоволство ќе го откажам. Во Африка ќе одам следната година“, изјави Нубел.

Нубел дојде во Баерн од Шалке, меѓутоа кога не успеа да се избори да биде прв голман беше испратен на позајмица, прво во Монако, па во Штутгарт. Први голмани на Германија за ЕП веројатно ќе бидат Нојер и Тер Штеген, а освен Нубел тука е и Оливер Бауман од Хофенхајм.