Добар старт на Црвена Ѕвезда во финалето од АБА лигата – 1:0 против Цедевита

Кошаркарите на Црвена Ѕвезда со победа на домашен терен вечерва извојува победа во првиот меч од финалето на АБА лигата против Цедевита.

Бранителот на трофејот, Црвена Ѕвезда дуелот го доби со 81:66 (16:27; 29:17; 21:10 и 15:12) и поведе со 1-0 во добиени натпревари.

Гостите од Загреб подобро го почнаа натпреварот и во финишот на првиот дел имаа предност од 15 поени (26:11). „Црвено-белите“ до пресврт стигнаа во 16 минута кога поведоа со 31:30, а потоа имаа водство до крајот на натпреварот.

Чарлс Џенкинс од Црвена Ѕвезда со 20 поени беше најефикасен на дуелот.

Финалето се игра во серија подобар од пет (до три победи), а финалниот натпревар број 2 е на програмата утре исто така во Белград.